8號仔掌門人二少，上周喺股東會俾人寸「有心無力」，之後各單位不敢怠慢，齊齊承擔，幫二少搞靚「四網合一」，繼續做marketleader，終極任務為股東創造最好總回報。首先發功嘅係mobile，噚日出第一招，拍住nokia，出PUSHeMail，強攻商業市場，擺明車馬，同行尊貴路線嘅1010爭一日長短！

貫徹「殺他死」作風

負責強攻行動、商業客戶業務董事總經理周鼎文話，用手機checkemail呢種服務，成個potentialmarket大約200萬客，保守啲打五折，都有110萬，就係成日通街走嘅workforce，需要同時擁有手機同email，但93%仲未用，因為貴、收費複雜，同埋唔userfriendly囉！周董指，佢哋同nokia諗咗12個月先推出，就係為咗打破呢幾個死穴。
周董話，𠵱家友台/行家每月上緊4000幾新客，8號仔目標，到年底做到double，即係每月上8000新客……大唔大貪？要做一哥，條數一定要set高啲。周董仲話，會浪接浪出招，唔畀行家透氣，第二招下周一就出。果然秉承二少「殺他死」嘅作風。
查實二少個最高指示，係瓣瓣都要tobeno.1，就算大家以為冇乜人用嘅固網電話，都唔可以鬆懈。對於有人話佢哋啲固網線，又再每月錄得netloss（淨流失），周董好嚴正咁話，其實兩年前開始，無論住宅同商業固網線，都係netgain（淨增長）至真。唉，講多無謂，賺到錢咪得囉。