【本報訊】教宗選舉如箭在弦，天主教香港教區副主教楊鳴章表示，本篤十六世退任不會再處理教廷事務，「唔可能有兩個唔同嘅權力中心」，又以「做朋友係雙方面」來形容現教宗在任期間中梵關係的發展，指教廷一直釋出善意，相信未來教宗會關心中國教會。香港教區暫定本月27日為教宗選擇舉行祈禱會，由教區主教湯漢主持。
楊鳴章昨在記者會中表示，暫未了解本篤十六世退任後會轉用何種稱號，但肯定對方不會當「太上皇」，「因為（教廷）唔可能有兩個唔同嘅權力中心，所以退咗之後就係退㗎，以前都試過兩個（新舊教宗同時在世）啦，佢哋退咗之後都係去咗隱修院，唔喺社會可以接觸嘅層面之中」。

盼能擢升亞非洲樞機

他表示，本篤十六世於本月28日退位，希望當日與所有樞機見面道別，湯漢將視乎教宗選舉日期及工作安排，再決定何時起行前往羅馬。在教宗「真空期」，教廷樞機院院長及國務卿會負責重大決定，但其他所有部門及委員會，包括來自香港、韓大輝總主教所屬的萬民福音部均會停止運作，直至新教宗選出為止。
楊鳴章解釋，教會規定參選教宗者不能「拉票」，而且整個過程保密；他個人希望未來擢升更多來自亞、非洲兩地的樞機，「因為呢兩個洲所扮演嘅角色越來越重」。
談到本篤十六世任內中梵關係的發展，楊指「做朋友要雙方面」，「我唔想講任何一方嘅壞話，一條橋都要兩個橋躉啦，教會好想同中國做朋友」。又指現時中國教會分裂情況不理想，「（中方）因為本身嘅利益考慮，唔理會呢件事（中梵關係），我諗呢件事仲需要時間」。他相信新任教宗會繼續關心中國。