韓國MBC王牌綜藝節目《無限挑戰》，於2005年開播後一直大受歡迎，被稱為「國民綜藝節目」。不過早前有指節目靈魂人物兼導演金泰浩離開節目後，會加入新導演，從而令《無限挑戰》作出大改革，甚至有傳《無限挑戰》嘅元老成員包括劉在錫、HaHa、朴明秀、等都面臨被換。

雖然MBC電視合一直否認消息，稱「一切尚在討論中」，不過今日MBC方面就發聲明表示：「經過討論後，《無限挑戰》決定於本月31號播出最後一集，作結第一季，同時節目將會進入休息期，預計今年秋天推出第二季。」

MBC方面續指：「至於接檔《無限挑戰》嘅新節目，並唔係《無限挑戰》嘅第二季，所以《無限挑戰》現有6名成員劉在錫、HaHa、朴明秀、鄭俊河、楊世炯及曹世鎬將唔會參與，新節目將係以新嘅形式播出，預計下月播出。」有指係因為如果新節目繼續用《無限挑戰》嘅節目名，主持人卻已經唔係劉在錫等元老成員，令新導演嘅製作組大感負擔，所以決定拍攝新節目，而新節目嘅主持人亦物色中。

更多韓流，喺晒《娛果》
http://fb.com/appledailyent