Angelababy（楊穎）噚晚盛裝出席內地網站嘅頒獎典禮，佢仲榮獲年度飛躍大獎，Baby着住一套白色露肩長裙，拖住井柏然一齊上台領獎。

講到佢哋嘅緣起之作《全城熱戀》時，一齊表示係6年前嘅作品，之後主持人問到會唔會再合作，Baby就故作神秘咁話：「你猜。」井柏然在旁微笑不語，非常有默契。

Baby又透露兩人會兌現6年前嘅承諾，演出電影版《微微一笑也傾城》，佢話：「拍電影的時候我們一直在現場打遊戲，不知道會不會有機會在電影裏和他PK下呢？」

據悉Baby會飾演女主角貝微微，鍾意打機同男仔頭嘅性格，都同佢十分相符。

此外，Baby喺大前日喺北京出席電競品牌嘅啟動禮，當日佢就同老友王思聰一齊講下打機感受，不過佢就話冇喺遊戲入面將對方加做好友。