以色列總理奧爾默特上星期五靜靜雞去咗做眼皮整形手術。發言人話佢最近視力有啲問題，所以做手術改善吓。所謂眼皮整形手術，通常係抽走眼皮嘅脂肪，消除眼袋或割雙眼皮，係咪改善到視力就唔知，但一定可以令人個樣青春啲。有報章懷疑奧爾默特整眼皮其實係貪靚，話佢向來都幾貪靚，衣着講究，10年前已經做激光矯視手術，唔再做四眼佬。
美聯社