「香港有好多黐線佬，我哋係其中一個，喺香港講夢想已經被視為黐線」，五名自稱「黐線佬」的飛機迷，站在陸地上聽着高空上的飛機引擎聲，已認出飛機的型號、推斷出是2時48分延誤的航班；「香港人對飛機嘅認知可能就係邊度有平機票，打風時班機延誤好燥，但我哋想大家知嘅係呢啲事背後嘅知識」，他們追夢的同時，亦把過程中看到的航空世界帶給門外漢。

記者 梁佩珊

百多年前人類發明飛機前，未曾想過能夠飛越七大洲，飛機發展永不會滿足於當下的性質，令五名大男孩着迷至深，「飛美國十幾個鐘，點解唔可以四個鐘飛到美國呢？係會不停研究進步，而人類可以喺過程中學習」。飛機迷在論壇出沒是常態，但五人開設Facebook專頁「Flight Store」，講解的飛機知識令門外漢面露「黑人問號」。

五名大男孩只有18歲至29歲，可說是自小愛飛機，無論學業或職業都專攻航空範疇「我哋係飛機迷，唔係飛機膠，膠係指巴士行過、飛機飛過，追住影張相但乜都唔識，嗰啲就係膠」。飛機不同陸上行走的交通工具，常人難以接觸的知識，反而激發他們的求知慾，「越難接觸，越想挑戰，普通人每日都會見到飛機飛過，但完全唔知係乜。當你求知時，越知得多，越想知更多」，Vincent在大學時修讀精算學，但畢業後當上空少，並非為了環遊世界，而是為了方便認識飛機知識，現時投考機師，「香港將本來喺其他地方唔係夢想嘅嘢，都會冠名為夢想，然後要行一條迂迴嘅路實現夢想，係好荒謬」。

專頁上的飛機知識，對於飛機迷而言可能是常識，但對於門外漢而言卻是不常見的常識，Ricky自8歲已對飛機有興趣，慢慢鑽研專業知識，「KOL（Key Opinion Leader意見領袖）講得好好但係錯，但我哋想釐清謬誤」。文章內容深奧，客源是否只限於門內漢呢？他們卻期盼門外漢坐上飛機後，本身不懂的知識，看到實物後好奇想了解畫面背後的內容，他們便成為提供知識的傳送門。

Jack在中學畢業後已修讀航空學科及於航空界任兼職，對飛機知識的追求或許在旁人眼中是一名「黐線佬」，但他說「人哋覺得我哋黐線，但我覺得眾人皆醉我獨醒，換個角度，都可以話眾人皆醒我獨醉，不過我鍾意咪得囉」。若說他們的文章太偏太專，他們卻說「有人連不同航空公司飛機餐嘅牛油，擺喺餐盤上咩位置都有研究，嗰啲先叫偏」。

「當有人可以從我哋嘅長文睇到錯字，其實係開心，證明佢真係有細心睇先會睇到錯字，讀者叻過我哋的話，我哋反而更開心，可以從中學習」，五人說，愛迪生發明燈泡，但這個夢想不只是愛迪生才有，愛迪生都要有人扶持才能完成夢想，他們認為即使無法成為愛迪生，但若能把所有知識成全別人成為發明家的話，即使只是齒輪，也是推動夢想成真的一步。

專頁內容的「偏」及「專」，連所設計的電話殼都走同一路線，Ricky根據各間航空公司的飛機門外型，設計出逾20個飛機門電話殼，最終製作出11件樣品，不止得到飛機迷垂青，連航空業工作者亦會訂購指定飛機門電話殼，「雖然寫文乜都做唔到，整個手機殼點會推動飛機界進步，但起碼拎住部電話，滿足感都大少少」，無人知曉他們的飛機夢能否走到最後，但起碼踏出第一步，若果百多年前，萊特兄弟沒有想過飛上天空，人類至今仍只會停留原地。