2017年金球獎塵埃落定，皇家馬德里前鋒基斯坦奴朗拿度（C朗）第五次得獎，追平巴塞隆拿前鋒美斯嘅紀錄。不過，車路士領隊干地就話，如果由佢頒獎嘅話，佢肯定會將金球獎頒畀車路士嘅一位中場球員喎！

或者大家以為干地指嘅係夏薩特，不過實情並唔係咁。干地話：「坦白講，我唔知道尼高路簡迪呢一世會唔會有機會贏金球獎，但對我嚟講，佢先值得贏金球獎。對每一個教練嚟講，簡迪都應該要得獎。」

干地亦都話C朗、美斯同尼馬係果種有團火嘅球員，佢認為夏薩特係最有機會挑戰呢三位球星嘅車路士球員：「夏薩特係有咁嘅能力㗎，佢一定要試下爭金球獎，下年嘅排名亦都一定要再高啲。」尼高路簡迪喺今年金球獎嘅投票排第8位，夏薩特就排19位。

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM