前新城台長朱明銳今日喺深水埗出席網上電台面包台嘅祝捷會，同場宣佈擔任面包台嘅CEO，鄭融、江海迦（Aga）、BOP等人到場支持，銳哥指希望能將香港廣播業務帶上大陸，新媒體可以殺出血路！銳哥話已經返咗兩個禮拜工，0依家計劃想一年舉行一次頒獎禮，亦有幫手約歌手訪問，問佢會唔會約英皇歌手，佢話：「我同英皇冇問題，同祖兒都破咗冰啦，我想八吓阿Sa（蔡卓妍）係咪拍拖，連Sa爸都唔知。」

而鄭融將有新歌推出，之前因事一再延遲，佢話一氣呵成作最好。另外Aga之前要濕身拍MV，佢話：「第一次試吓少少性感，要浸喺水池拍，我刻意唔食嘢同做運動。」