當年今日

隔牆有耳:政府請嚿化石做主席 - 李八方

蘋果日報 2008/12/01 00:00


被煲呔邀請加入有「裁員經遇委員會」之稱嘅經機會嘅胡恩威,噚日話自己搞嘅只係中小企,冇人可以裁,至於呢個會究竟係咪得個講字,佢坦言現時都唔係太清楚,要睇政府嚟緊點樣帶領個會去傾。講明會提出尖銳觀點嘅佢,噚日率先狂鬧政府搞啲優質教育基金同電影發展基金,申請程序複雜,根本幫唔到中小企,制訂政策時又唔搵專家,只識搵商界參與,狂轟政府咁樣委任人做法「好反智」。
胡恩威仲不點名咁,暗寸日前獲政府委任做廣播事務管理局新任主席嘅何沛謙係化石,話唔明政府點解喺電影界水深火熱嘅時候,「仲要搵嚿化石物體去做呢啲嘢」?