【劉嘉玲暫代經理人】梁朝偉宣佈與王家衛結束廿載合作關係

蘋果日報 2018/06/22 14:51

澤東電影康城影帝王家衛劉嘉玲梁朝偉
    天下無不散之筵席。影帝梁朝偉同王家衛嘅澤東電影公司嘅經理人合約已滿約，如以後要搵偉仔開工，就要搵梁太劉嘉玲。
    偉仔今日透過短訊通知各傳媒話：「各位記者朋友大家好，我係梁朝偉，我同澤東電影公司嘅經理人合約已經圓滿結束喇，以後大家有任何工作上嘅需要，可以暫時聯絡我太太劉嘉玲，唔該晒大家。」
    夫唱婦隨太太劉嘉玲就表示：「我只是暫時性幫住老公，做個聯絡人，等物色到適合經理人，我會交番俾新經理人處理。至於佢點解咁突然公佈，你哋見到偉仔本人，自己問番佢本人啦！」據知嘉玲本身開設咗一間娛樂文化產業公司，從事電影同劇集拍攝，當中亦有經理人部，偉仔暫時就由太太間公司負責工作細節。
    嘉玲接受《蘋果》電話訪問，問到嘉玲日後要處理搵偉仔嘅工作，有機會需公開自己電話時，佢話：「要搵梁生嘅人，自己會有方法搵到我。」至於嘉玲開公司一事，她稱：「我有自己嘅娛樂公司係另一回事。自己公司係自己嘢，唔好混淆兩件事。我只係梁生未搵到合適經理人公司時嘅暫時聯絡人。」
    自從梁朝偉拍完王家衛導演嘅《阿飛正傳》之後，兩人一直合作無間，偉仔先後贏過五次香港電影金像獎最佳男主角，係獲獎次數最多嘅一位，當中四部就係同王家衛合作，《重慶森林》、《花樣年華》、《2046》、《春光乍洩》，堪稱部部經典。其中《花樣年華》仲成就偉仔封康城影帝。一導一演合作逾廿載，最後一部二人合作嘅電影，就係2013年上映嘅《一代宗師》。
    精選娛聞，喺晒《娛果》 http://fb.com/appledailyent
    empty
    empty
    2000年，康城影展。 電影：《花樣年華》
    empty
    同上。偉仔憑”《花樣年華》封康城影帝。
    empty
    2000年東京電影節。張曼玉，梁朝偉，王家衛。
    empty
    2001年香港電影金像獎。梁朝偉、張震，王家衛。
    empty
    2003年。電影《2046》上海記者會。
    empty
    2004年。電影《2046》台灣首映。張震，劉嘉玲，梁朝偉，王家衛。
    empty
    2002年，葉問堂籌建委員會成立儀式。
    empty
    2013年，東京，宣傳《一代宗師》。
    empty
    2013年，第50屆台灣電影金馬獎頒獎禮。
    empty
    2014年，第33屆香港電影金像獎頒獎禮。《一代宗師》狂掃12獎。
    empty
    2015年，梁朝偉在法國駐港領事官邸獲頒法國藝術與文學軍官勳章（Officier），王家衛特地出席。
    empty
    2016年，《擺渡人》北京宣傳。