進士「有感而發」完之後，就要抦食環署嘅管理層。進士要講清楚，我好欣賞嗰啲喺佳節重要當值嘅清潔員工，但食環署亦要檢討吓點解每年都要花十多小時清理場地。大佬，如果人家會展又學你個署咁任由啲參展商將啲垃圾亂咁丟，摺得啦！講真，食環署同各年宵攤主都有簽合同，要佢哋交低保證金同承諾自己執手尾有幾難呢？
重有樣嘢政府更無聊，畀啲所謂環保人士話將啲盆栽同年桔清理咗係浪費，所以就搵人收集咗之後再送畀啲福利機構裝飾。你估人哋真係好想要呀，你搵社署出面，人哋點可以唔收。最慘事後重要搵人清理，得個搞字！
使乜理香港啲環保人士呀，又唔專業，從來冇話聽佢哋瞓馬路去攔吓啲出入發電廠或者焚化爐嘅貨車，又或者搞吓裸跑引起吓大家對環保嘅興趣。保護維港嗰班就連海都唔跳！呀，唔知新嘅一年有冇機會見到李樂詩裸跑同徐嘉慎跳海呢？
倔頭進士
傳真︰2623-9278
電郵︰
[email protected]