北角下午發生奪命車禍，一輛校巴在無人駕駛的情況下衝落斜路，造成4死11傷，據知當時校巴失控衝前時，車身撞到一輛正由堡壘街轉出長康街的的士。《蘋果》事後聯絡到涉事的士司機吳先生，他形容當時情況混亂「(校巴)從後面撞上嚟(的士)左邊車身，一直衝過對面馬路，一直都見唔到架車(校巴)有司機，只係見到車底捲咗個人」。

他續指校巴衝入熙和街後，多名途人倒卧地上，手腳流血，昏迷不醒，「見到起碼10個8個人瞓喺度，(校巴)司機都有反應，嗌佢都有郁，但神志唔係好清醒，我哋都有叫佢頂住」。他憶述事件後仍有餘悸，又指自己的的士左邊倒後鏡損毀，左邊車身亦「花咗少少」，坦言：「呢啲唔緊要呀，最緊要個人冇事咋」。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568