人氣韓劇《雲畫的月光》男星朴寶劍早前又再次捲入爭議，佢因為喺網上宣傳所屬教會嘅祈禱活動，由於其所屬教會曾被韓媒指係邪教，雖然朴寶劍已否認，但今次佢宣傳教會活動即引起網民反感(相關新聞連結： http://bit.ly/2x3yTO3 )。

雖然捲入爭議，但朴寶劍都冇影響心情，近日就被發現孖《回答吧！1988》男星高庚杓結伴到美加旅行，有網民就喺紐約街頭捕獲二人，兩人如普通自由行一樣，孭住背囊周圍遊覽。