鄭明明今晚以永遠榮譽會長身份現身九龍灣，出席化妝業界晚宴，穿着紅色晚裝嘅明明姐好搶眼。佢話不經不覺已經從事美容業53年，多年嚟營商宗旨以「人冇、我有，人有、我優」，但從來唔會因此而自滿，更堅持唔會原地踏步。

事業成就卓越，子女不時勸佢退休享福，明明姐話：「我覺得自己有精力，希望將畢生所學知識教導下一代，做到一代傳一代，至今已經教導四代人。」佢更表明永不言休。工作以外，明明姐熱心公益，將於出年1月獲東華三院頒發「最特別企業愛心大獎」，表揚過去11年嘅義工工作，即使近年仍然每逢周六及周日去做義工，身邊嘅員工及學生也被感染一同參與。

精選娛聞，喺晒《娛果》
http://fb.com/appledailyent