澳洲好手貝湯美(Tommy仔)今季先後五次訪港客串,其中四次有馬贏共取五W,包括今午以大摩新鎮倉寶「威爾頓」攻陷香港打吡。貝湯美今午策六駒,悉數來自摩廐,當中第八場「威爾頓」、尾場「駿馬名駒」、第九場「共創美好」及第七場「恩格斯」順序跑入一至四名,帶挈佢個人總共贏到1,018,300元獎金,單係打吡頭馬已經佔92.8萬,相當和味!同樣來港客串一日的蘇銘倫,雖然僅得第八場「火紅人」一匹座騎,但係跑第五佢都有5.28萬獎金落袋。此駒於第三階段加入報打吡,馬主要額外繳付16萬報名費,如今愛駒跑第五,馬主個人獎金36.96萬,扣番16萬報名費同蘇銘倫來回機票錢,馬主仲有10幾萬執,都算係一項英明投資。