汪詩詩同汪圓圓兩姊妹今日喺尖沙嘴出席呂良偉開設美容及健康管理中心嘅剪綵活動，佢哋都想自己同身邊嘅另一半可以保持得像呂良偉一樣咁fit，詩詩話：「呂哥生活好健康，動氣加氣功，真係要向佢好好學習，我自己比較難，經常要飛同埋要照顧老人家小朋友，都好大壓力，老公天生質地好好，拍戲瞓得少都冇事，我瞓少幾個鐘都唔得。」而汪圓圓亦都羨慕姐夫做sit up 6舊腹肌就會出現。甄子丹咁fit好容易有狂蜂浪蝶 ？汪詩詩話：「冇所謂，有人欣賞係好事，佢自己知就得，唔使同我講。」

電影《葉問3》製片施建祥在涉集資詐騙被通輯，汪詩詩話：「睇首映見過對方但唔熟，幕後嘅事我哋唔知道，只係做好幕前，就算呢個人傾合作都係同黃百鳴傾，所以我唔清楚。」

精選娛聞，喺晒《娛果》
http://fb.com/appledailyent