當年今日
關於我們

【恐怖車禍】先落車逃過大難 阿聰:或者會幫到手

蘋果日報 2017/03/17 10:40

粉嶺圍奪命車禍馬會道恐佈車禍

【15:13更新】新增動新聞
「我唔算係好彩,如果當初唔落車,情況可能唔會係咁!」上水馬會道粉嶺圍本周二發生的兩死一傷奪命車禍,早在祥華邨先下車的乘客阿聰,雖然被外界認為逃過一劫,但他坦言如果在車上,可能另有境況。「如果我係車上,或會幫到手,或者同佢哋傾偈,佢哋唔瞓覺,可能控制到唔會發生呢件事。」車禍至今雖已過了四天,阿聰自言仍「晚晚冇乜點瞓」,記者採訪他時亦見他容顏憔悴,為此事仍耿耿於懷。
阿聰訴說與車禍中的死者阿傑是相識十多年的老友,以前同是電訊公司的銷售員,其後轉為寬頻公司的師傅,最後他自己開公司,阿傑則轉做文職,但兩人仍不時聯絡,食飯「篤波」,他知道阿傑妻子為學校社工,育有兩女,分別僅1歲及3歲,「佢係家庭經濟支拄,兩個小朋友又細,又要讀書,樓又未供完。」他呼籲各界能盡力捐助兩死者的家庭。
至於車禍中倖存者霍雅倫,阿聰與他相識2、3年,現時是他公司的柏檔,一齊承接工程。「嗰日大家出嚟吹水聚舊,點知發生呢件事。」他亦為霍雅倫不值,「唔好再怪佢,唔關佢事,佢都係受害者,佢親眼睇住救唔到兩個朋友已經好自責,仲要比出面啲人話佢係肇事司機,警方唔公平,最多話佢涉嫌或懷疑,唔可以冇任何證據之下,就肯定佢係司機,佢失去兩個朋友,已經心理創傷好大。」阿聰同時感謝救霍的兩名村民,「如果唔係,我會冇埋呢個朋友!」霍已被警方無條件釋放。
案發於本月14日凌晨,相信由工程公司東主郭原生駕駛的凌志私家車,載同霍雅倫、阿聰以及阿傑,由荃灣宵夜後返家,其間在祥華邨先放低阿聰,再沿馬會道行駛,在粉嶺圍對開凌志失事撞向石壆及鐵欄後疑油缸爆裂,全車衝前百米起火焚燒,當時霍及時逃出車廂外,臉、後頸及手部多處燒傷,另外兩人慘被燒死。
你敢爆,我敢獎! 即Call《蘋果》24小時爆相爆片熱線63836568