文化電影界有啲人唔明點解政府搵「8號仔着數」做電影發展委員會主席，8號仔下面嗰個「𠵱家多金」其實同電影關係都好密切，咁鬼多個電影台，「着數」做地下火車嘅經驗，其實對香港電影工業都好有用。一直以來香港電影電視喺阿「跑跑沙」獨大之後，走嘅唔係荷李活嘅多元化企業路線，而係有啲邪邪哋嗰隻，香港娛樂圈啲話事人所以大部份都唔係讀書人，常走偏鋒，正當人家都好難玩，搞成咁完全係政府嘅錯，電視牌電台牌發嚟發去都係嗰啲人，無真正嘅競爭，「官方講台」又唔爭氣，所以搞到香港啲電視同電台節目幾十年都無變過，嚟嚟去都係得阿劉華，歌神呀，萬玉呀，啲新人個樣同內在美都係得啖笑。