慶幸仍可揀題材拍戲 阿澤：這可能是我們這個年代，僅餘的自由。
蘋果日報 2014/04/17 06:00
杜汶澤黃秋生
內地作家批評港產片只係識賣懷舊、粗口同騷胸，阿澤及秋生留言反擊。- 阿澤就話，佢所做嘅只係為得番僅餘自由嘅香港人，提供一個小小嘅選擇。（facebook圖片）
- 秋生叫陳果唔好嬲（facebook圖片）
前日有內地作家批評具本土特色嘅港產片，話淨係識賣懷舊、粗口同埋胸，當中仲點名提到麥浚龍執導嘅《殭屍》、陳果執導嘅《那夜凌晨，我坐上了旺角開往大埔的紅VAN》同杜汶澤主演嘅《3D豪情》。
今日阿澤就再喺facebook回應，佢就話唔覺得香港好似嗰位作家所講，只係得色情同粗口電影，阿澤又以陳木勝同林超賢嘅作品做例子，指出佢哋所拍嘅，就算冇呢啲元素，票房一樣大賣。
阿澤表示：「我從來不認為港產片只有色情和粗口，君不見陳木勝、林超賢的電影，沒有這些原素依然比我大賣？其他同業，他們在拍自己相信的電影，我亦如此。我從來不是代表，只是其中一份子，拍攝此類電影，目的除了藉此糊口之外，就是希望為香港人提供多一點選擇，這可能是我們這個年代，僅餘的自由。有這樣卑微的一個想法，難道也不可以嗎？」
至於秋生今日亦喺facebook撐陳果，仲話：「阿果，唔好嬲，我哋有生之年佢哋都唔會批准拍到部紅van。」
今日阿澤就再喺facebook回應，佢就話唔覺得香港好似嗰位作家所講，只係得色情同粗口電影，阿澤又以陳木勝同林超賢嘅作品做例子，指出佢哋所拍嘅，就算冇呢啲元素，票房一樣大賣。
阿澤表示：「我從來不認為港產片只有色情和粗口，君不見陳木勝、林超賢的電影，沒有這些原素依然比我大賣？其他同業，他們在拍自己相信的電影，我亦如此。我從來不是代表，只是其中一份子，拍攝此類電影，目的除了藉此糊口之外，就是希望為香港人提供多一點選擇，這可能是我們這個年代，僅餘的自由。有這樣卑微的一個想法，難道也不可以嗎？」
至於秋生今日亦喺facebook撐陳果，仲話：「阿果，唔好嬲，我哋有生之年佢哋都唔會批准拍到部紅van。」