當年今日
關於我們

隔牆有耳:大狀黨勸郭榮鏗出征 - 李八方

蘋果日報 2012/05/08 00:00


公民黨老將吳靄儀,下屆應告別立法會,邊個接班都相當頭痛。大狀黨最初想搵資深大律師陳景生出馬,但呢位精通風水,愛着紅色嘅「風水大狀」已決定唔會出戰。於是乎,大狀黨只好再搵其他人上陣。佢哋都係想搵返個年輕大狀接棒,有乜心水?參加過區議會選舉但落敗嘅郭榮鏗,係一個唔錯嘅選擇。只不過,郭榮鏗心繫直選,又開始咗唔少地區工作,係咪咁容易說服到佢去參加功能組別,放棄直選呢?睇嚟呢個就要靠大狀黨中人嘅游說技巧,究竟有幾高超啦。