自由黨榮譽主席周梁淑怡昨早約10時許抵達山頂僑福道的補選票站投票,她強調陳浩濂從無離棄選民,仍然為香港市民服務,「佢唔係去自己搵銀喎」,又指陳早已向居民及自由黨交代,「負責任地交代咗,接班亦做到最好」。周梁續稱,區議會選舉最重要選出能服務該選區的區議員,指自由黨過去服務區內的成績,選舉上有優勢,「今次補選來講,準備工夫已經全部做好」。
曾任山頂區議員的自由黨榮譽主席田北俊昨午亦到山頂票站投票,對楊哲安非常有信心,料大比數勝出,又稱該黨在山頂選區自2000年起「都做得非常好」。對手錢志健陣營以陳浩濂加入政府背棄選民攻擊楊哲安,田指競選期間對手要「搵啲嘢講」,認為現時香港政治人才缺乏,「有個金融界叻仔被政府睇中做財經副局長,都係為香港服務,相信山頂居民會明白,亦未聽過有人因為咁唔投佢」。
■記者嚴敏慧、譚靜雯