【曬到變朱古力】鎮宇帶隊扒龍舟掛住玩 余香凝發火罵完要晒冧

蘋果日報 2017/09/30 22:02

吳鎮宇悟空萬水千山縱橫胡子彤余香凝
    吳鎮宇、胡子彤及余香凝等今日喺沙田龍舟總會為電影《萬水千山縱橫》開工，除咗余香凝，眾人均飾演龍舟手，余香凝話：「我係佢哋嘅教練，成班男人掛住玩，我就要鬧佢哋，不過一cut機就猛同佢哋講對唔住，因為個個都係前輩。」
    鎮宇笑言拍攝一星期已曬到變黑人：「嗰日我哋由沙田大會堂扒龍舟返嚟，用咗20分鐘，仲快過佢哋搭車。」提到日前與囝囝Feynman慶祝生日，佢話：「年年都係喺屋企食嘢，今年個蛋糕就悟空，之前試過芝麻街。」佢笑指囝囝唔識扒龍舟：「佢啱啱先學識游水，掹住個池邊都掹咗幾年，佢9歲着緊12歲嘅衫，其實佢手長腳長，係肥啫。」
    empty
    吳鎮宇、潘燦良、黃德斌一齊扒龍舟，個個都係余香凝前輩。
    empty
    鎮宇話拍咗一日，已經曬到累晒。
    empty
    empty
    余香凝演教練，要鬧一班前輩，停機後佢猛向前輩們講對唔住。