【果燃台•玄機解馬】六大特徵提示要控制性慾！碧霞老師同你逐個解構
蘋果日報 2020/03/21 15:05
性慾果燃台玄機解馬碧霞老師Simon西門院長
第30集《玄機解馬》將於今晚6時30分播出
《蘋果》動新聞果燃台《玄機解馬》第二季第30集，將於今晚（21日）6時半開播，將從玄學角度向大家講財運。
今集嘉賓繼續請到專業賽馬主持人Simon西門院長，佢除咗有寫馬經專欄外，亦做過賽馬節目主持，更加係碧霞老師嘅好朋友，所以希望上嚟畀老友點吓相之餘，最想同大家交流賽馬心得。
適逢今集開始，我哋另一主持將會由年青才俊Desmond接棒，佢亦係《蘋果馬經》嘅專欄作家，兩位一坐低就已經講以往嘅威水戰績，Desmond自爆自己中過兩蚊三T，淨收派彩廿幾萬；西門院長則中過十幾萬孖T，非常犀利。
喺《碧霞點相》環節中，西門院長被發現前額開始甩少少頭髮，咁樣到底代表乜？原樣喺邊度開始甩頭髮，都代表唔同嘅運程！詳情就當然要睇完整節目了解吓啦。
至於《運程學堂》入面，今集要探討嘅係「管好下半身」的面相，包括「眼頭有血絲」、「鼻樑有痣」、「人中有痣」、「下體有痣」、「通姦線」及手相「中指下感情線有島紋」六大特徵，顧名思義有以上特徵嘅朋友仔，要注意性方面會否影響身體以及生活。
最後，今集嘉賓既然tip馬咁犀利，佢當然會聯同碧霞老師及Desmond，在《贏馬錦囊》環節提供周末（3月22日）沙田日賽心水馬推介，另《賽日通勝》會拆解哪個生肖這個賽日最旺。
咁豐富嘅內容，你點能夠錯過今集《玄機解馬》？