【書展延期】亞姐李芷菱自資5位數佈置相集攤位:都有啲損失!
亞姐書展李芷菱
李芷菱今日以一襲紅色低胸吊帶裙,在尖沙嘴為慈善相集舉行發佈會。
「2018亞洲小姐競選」香港賽區決賽「最上鏡小姐」李芷菱今日以一襲紅色低胸吊帶裙,在尖沙嘴為慈善相集舉行發佈會,她透露今次是自資6位數字,印製2,000本,由於慈善關係,所以不會太過大膽性感,她說:「會展示我嘅優雅、感性嘅一面,當中有晚禮服,就算係比堅尼,都係性感活潑嘅造型。」她透露現時已獲很多人預購:「有人已經預購咗168本,ATV老闆亦預購咗100本,因為收益會撥捐去慈善機構,有好多贊助商幫忙,所以都減低咗成本。」
對於書展要延期,會否擔心影響銷情?李芷菱表示:「都有,因為我本身花咗5位數字,整攤位佈置,又要印海執、傳單,延期要重新再印過。」要蝕好多錢?她說:「咁而家係延期,又唔係取消。」會否覺得貿發局公佈延期的決定來得太遲?她謂:「係比較急、比較遲,都有失望,但呢個疫情嚟得比較突然,所以都明白嘅,我尊重大家嘅決定。」
此外,李芷菱透露與亞視還有一年多的合約,問到收入如何?她說:「我除咗做藝人之外,我仲有直播平台,都有fans支持,所以我嘅生活還算OK。」
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新