當年今日
關於我們

【人一世物一世?】有意兩年抱兩 楊洛婷擬fb直播分娩過程

蘋果日報 2017/06/18 00:02

楊洛婷父親節Tim黃天翱dearjaneRebee'a

父親節正日,楊洛婷(Rebee'a)同Dear Jane主音黃天翱(Tim)嘅BB,已經足6個月大,預產期係10月初。Rebee'a兩個星期前訂好床位生B,仲話人一世,物一世,好想經歷吓做媽媽嘅十級痛,佢話:「咁我諗住順產嘅,我係好想facebook live o添!我好想拍低個過程,等我老公呢一世都會記住,我幾偉大喇!」
Tim當場被嚇窒:「我諗我睇過一次都會一世記住,唔需要再翻睇個video。」
除咗想做facebook live,Rebee'a仲有一個目標,就是兩年抱兩:「其實我自己係好想,我今年見過兩個風水師傅,佢哋兩個都話我似係開刀生,我話我唔得,點都會自然生,點解我想自然生?因為會recover得快啲,同媽媽身體都會好啲,最緊要係我再想快啲生第二個,好唔好呀?兩年抱兩,OK嗎?」此時此刻,Rebee'a眨眨眼望住Tim。呢一刻大肚婆係大晒嘅,Tim即刻乖乖話:「好呀,我梗係得啦!」
距離BB出世,仲有3個幾月,但Rebee'a同Tim首要解決面前嘅問題,多過諗生仔嗰日,因為佢兩個真人咩都未做,以下係黃生同黃太嘅對話:
黃太:點算呀?我間房仲未執好,不過我已經犧牲咗300條裙(係拎去捐)。
黃生:但係你仲有好多百條裙嘛!
黃太:其實唔止裙,仲有好多化妝品、護膚品係客戶送俾我嘅limited edition,我都要慢慢處置佢哋,咁先至可以有位俾BB,放佢嘅衫同玩具。咁你呢?你都有幾百對鞋,係唔願意執,每一個款係有幾隻色,你啲鞋點樣呢?
黃生:我鍾意儲住。
黃太:真係要啲時間,不過真係冇咩時間,要執好我哋啲嘢,為BB我哋都做咗其他嘢,我哋將會換車,o依家揸緊係一架兩門車,擺唔到car seat,迫住要換架闊少少嘅車。
黃生:都要睇吓小朋友咩direction,森林學校又有,打拳又有,打住拳教數學、教英文,真係好多嘢要諗。除咗學校之外,我哋都會行吓街、睇吓嘢,見到啲BB車同BB床,我呢排冇野做,冇諗過o依家BB車,有咁多選擇同功能。
黃太:我好好彩,暫時仲未有壓力,可能執房係一個壓力,一日未執,一日冇位擺BB嘢,所以我哋未買到BB嘢。
黃生:過多一兩個月,你都執唔到,個肚仲勁,嗰時冇得執,咁一陣返屋企執……
最後,唔知黃生同黃太有冇真係返去執吓個雜物房呢?

採訪:楊潔雯
攝影:林德雄
攝錄:馮嘉文
場地提供:Silver Cross
empty
(右圖攝影:林德雄)
empty
Rebee'a同Tim嘅BB預產期喺10月初
empty
近日Rebee'a落力執房,騰空間畀BB用。
empty
都…相當大工程
empty
Tim同Rebee'a話自己仲未有壓力