當年今日
關於我們

【試新嘢】JW擬與男友合資搞生意 譚嘉儀拍MV圓公主夢

蘋果日報 2020/06/02 16:40

jw輕熟女王灝兒譚嘉儀葉韋彤

歌手王灝兒(JW)今天到商台宣傳新歌《輕熟女》,歌曲是講述即將踏入30歲的她,加上入行10年的轉變,她自言踏入30歲,期待踏出新一步,她說:「想做啲新嘗試,想試吓演戲、配音,都想做小生意,一直好想有自己coffee shop,我好鍾意食嘢,見到咁多靚嘅食物會好開心,有時去旅行見到啲餐廳概念好好,都想帶返嚟香港,主要都係做食嘅。」
JW透露開創生意的計劃只是初步階段,並將與富二代男友葉韋彤(Tarzan)及友人合資,問她會否靠男友打本?她說:「唔會,自己有份,唔可以依靠人,咁先有成功感。睇吓幾多同幾大,而家未知會投資幾多。」問到是否太愛吃東西,令男友變肥?她大笑說:「肥嗰個係我,我哋都有運動嘅,睇到啲報道都見到自己脹咗,我已經開始唔食澱粉質,一星期瘦咗2磅。」
另外,歌手譚嘉儀今日在商台受訪,她透露早前找來4歲的姨甥女參與新歌MV演出,她笑說:「姨甥女聽日生日,我之前同佢一齊扮公主拍咗條片,我扮Elsa,佢扮Anna,仲一齊唱主題曲,我真係好鍾意扮公主。」提到她有份參與拍攝《降魔的2.0》,譚嘉儀指不少朋友也追問她結局,但她卻要保持神秘不劇透,她笑言希望可拍續集,她說:「希望可以開感情線,我拍劇從來冇試過,都想嘗試。」問她希望對手是誰?譚嘉儀笑說:「馬明(馬國明)啦!因為之前MV都合作過,可以學到好多嘢,佢喺演戲上畀好多意見,幫助對方提升,會令對方好入戲嘅。」會希望跟馬明親熱?練習錫錫?譚嘉儀笑說:「MV練習過(錫錫),我只係想拍,唔一定要咀嘅,我只想談情,跟佢學嘢。」
採訪、攝影:羅慧敏
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
empty
JW表示近日積極戒口瘦身。
empty
譚嘉儀日前與姨甥女一起扮公主拍MV。