DSC-F77300o旋轉鏡頭 勁方便
第一眼望見呢部F77，馬上令人諗番起SONY部大眼仔Notebook，感覺有如一個經典嘅延續；全機焦點係鏡頭部份，它可以作300°自由旋轉，想攞個靚角度真係好方便。鏡頭組件用番SONY合作開嘅蔡司鏡頭，還加入了SONY新開發的3.5倍智能變焦功能，據稱有助放大變焦拍攝，令相片更細緻，微粒更幼細。
400萬像素高解像
感光元件使用了400萬像素的SuperHADCCD（1/1.8吋），對一般民用玩家，真係大到有「找」！A3尺寸的相片打印都輕而易舉。拍攝模式主要分為全自動、程式及預設場景模式，唯獨欠缺手動模式，對進階用家可能會感到有點點不足，幸好多點測光同閃光燈設置非常準。F77在11月8日喺SONY香港官方網站接受預訂，如果想第一時間出機就要頻頻上去昅實啦！