由韓劇《秘密花園》男星玄彬孖韓劇《Doctors》女星朴信惠主演嘅tvN新劇《阿爾罕布拉宮的回憶》，噚日首播，Netflix亦於同日起全球播映，每周上架最新兩集。

噚晚首集進展得好快，劇集講到玄彬因為要搵燦烈而來到西班牙嘅格拉納達，並入住朴信惠開設嘅旅館，玄彬喺當地仲試玩燦烈設計嘅超真實AR遊戲，但燦烈同玄彬通話後即告失蹤。而玄彬同朴信惠因房間問題發生唔少磨擦，玄彬破口大罵朴信惠，搞到朴信惠受屈爆喊，而此時玄彬發現朴信惠竟然係燦烈嘅家姐。

《阿爾罕布拉宮的回憶》噚晚首播成績十分理想，第一集平均收視有7.507%，最高收視有8.5%。

精選韓流，喺晒《娛果》
http://fb.com/appledailyent