當年今日
關於我們

【全城禁聚】市民湧健身中心凍結會籍 薀莎水療停業兩星期

蘋果日報 2020/03/27 21:54

健身中心gymPartyroom武漢肺炎全城禁敍

港府公佈明日傍晚6時起,多個公眾場所須強制關閉。記者晚上巡視銅鑼灣一帶的樓上桌球室和麻雀館,桌球場早已關門,但有持有食肆牌照的麻雀館則表示會如常營業。翻查網上資料,聯誼會只招待會員,除了提供房間供顧客打麻雀外,亦會供應「雀局套餐」,在OpenRice網站被歸類為中菜館。

至於曾出現病毒傳播群組的健身室,消息一出後即陸續有市民趕到各大連鎖健身中心查詢。記者到訪位於炮台山的連鎖健身中心Fitness First,接待處電話不斷響起,亦有大量會員親身到場辦理手續。有職員表示顧客可按個人需要,選擇凍結會籍或退會,但需收取行政費。
會員自動減少做gym:唔等政府做嘢
任職IT業的李先生特意到中心櫃台申請凍結會籍兩個月,期間可免收會費,但仍需收取百多元行政費。他指,因應大型連鎖健身中心出現確診個案,已陸續減少健身,由每星期5次減至1次,「咁畀咗錢呀嘛,香港人心態」,並「轉場」到戶外地方,如公園或海濱長廊,避免人群聚集。

他認同政府一刀切關閉健身場所,認為同類場所相當高危,病毒容易在室內傳播,「做gym好難戴口罩」。他曾於健身時佩戴眼罩和以紙巾遮掩口鼻,亦遭其他會員目光歧視。但他認為,港府防疫措施「半桶水」,只封娛樂場所,卻不全面封閉大陸關口,並強硬要求市民留家工作以阻截病毒源頭和傳播,認為其做法不夠全面。

任職銀行業的楊先生指,已有兩星期未有再到健身室活動,他今得知政府公佈措施後才赴健身中心凍結會籍,「正常自己都會少咗去健身,唔會等政府做嘢」。他批評港府防疫措施太慢,「其他國家都做緊,佢都係慢三拍,都慣啦」,靠自救最實際。
前藝人趙勁皓健身中心送一個月健身會籍
私人健身中心「King's Fitness」創辦人趙勁皓表示,政府公佈明日起關閉健身中心帶來很大影響,「始於呢個行業做嘅係pre pay同手停口停,公司營運上無問題,只不過難為一班員工」。雖然趙認為政府應對受影響的業界作出補貼,但重點還是要封關,「你今日公佈唔同關口入境人數少咗,但明顯確診數字係大幅上升,明眼人都知確診病例超過一半係回流或入境人士。任何停業嘅決定,只係拖垮香港中小企業同勞動人口,如果你封關,我寧可停業,解決件事,停業但不停放人入來,根本無用。」

「King's Fitness」在其facebook專頁上宣佈停業安排,發文先炮轟政府的不作為導致現時需下令關閉健身中心,「有鑑於仆X冚家X政府有關唔封,隔離人士可以周圍走,派追踨手帶可以唔開機,林鄭要求非必要唔使戴口罩,往返香港自行隔離,一早唔X處理,依家爆大鑊就走岀嚟話唔應該咁唔應該咁,要實施管制及修例……」繼而指所有會員均可免費獲得一個月的免費健身會籍作補償,而私人訓練及小組訓練的學員們,亦可向有關教練查詢課程安排。
小型partyroom被勒令關閉
位於炮台山、設有男女賓部提供按摩服務的薀莎水療即晚亦貼出告示,表示明日起會停業兩星期,該店經理指,做法是配合政府防疫措施,但拒絕評論有關做法和對生意額影響。

小型partyroom「Kangaroom」表示,政府下令關閉娛樂場所14日,雖然原意是為了避免人群聚集,「出發點係好,但喺無補貼之下就咁封咗,我哋繼續要交租,個影響一定好大」。Kangaroom又指,由於派對房間的聚會屬私人空間,主要為認識的朋友聚集,「尤其我哋嘅場通常都係3至5個朋友聚會,一來私隱度高啲,另外我哋都做足消毒清潔,風險一定係比起餐廳細」。

Kangaroom表示,營運派對房間不似零售業般獲得政府資助,但自疫情爆發後亦受到很大影響,現時再被勒令關閉,「睇吓政府會唔會有啲補貼,同埋可能有限度開放會好過完全ban晒,真係會完全無收入。」

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架
empty
謝榮耀攝
empty
在禁令實施後,健身中心亦要暫時關閉。謝榮耀攝
empty
港府公佈明日傍晚6時起,多個公眾場所須強制關閉,當中包括曾出現病毒傳播群組的健身室。 謝榮耀攝
empty
位於炮台山、設有男女賓部提供按摩服務的薀莎水療即晚亦貼出告示,表示明日起會停業兩星期。謝榮耀攝
empty
謝榮耀攝
empty
謝榮耀攝