當年今日
關於我們

騎呢新產品

蘋果日報 2002/11/30 00:00


想喺深圳買又平又盞鬼的玩具精品,就要到福田區華強北路一帶的電子城才會找到。不過,唔知碇的朋友就未必識得搵,皆因這裏幢幢大廈都叫電子城,而且合心水的產品並非處處都有,如果唔想行到腳攰周圍摷的話,就等我帶路啦!

記者:袁峰 攝影:陳良
曉轉白色聖誕城
這個「WinterWonderland」的擺設,長15吋、闊12吋,駁上電源後,白茫茫的小城就會充滿生氣;摩天輪及氹氹轉會啟動,街燈不時閃出燈光,而小小的公仔亦會在結了冰的馬路上移動,十分趣致。另外,更有8首聖誕樂曲連續播放,買嚟作為聖誕禮物就最啱!
預防近視糾正器
以小鳥作外形的電子新產品,只要放入一枚AA電池後掛於頸上,當小朋友寫字時頸部彎得太低,儀器就會以普通話提醒你距離太近了;而掛繩亦有儀器在頸部作出震動反應,這樣就可預防小朋友出現寒背或近視的情況。
手機手動充電器
從未想過手機電池都有手動充電器,絕對是有諗頭之作。這部「Advan」WN-079手動充電器,適合一般諾基亞、摩托羅拉、西門子及三星等牌子型號的手機,手攪5分鐘,即可有一日儲電量,而實際打出時間則約有10分鐘左右,都咪話唔厲害。
華靈通電器禮品行
電話:(86)75583768341
地址:深圳市華強北路萬商電器城2樓C171號舖(女人世界對面)
營業時間:早上9:30至晚上9:00
交通:從羅湖關口前往,乘的士約15分鐘,車費約?22。