【跳舞跳到入廚房】麥秋成拍廣告變暖男 入廚房顯刀功
暖男麥秋成
排舞師麥秋成強項當然係跳舞啦!但估唔到佢除咗舞藝精,刀功都唔差,早前佢獲刀具品牌邀請拍廣告,要喺廣告入面揸刀露兩手,估唔到完全難唔到佢,攞起麵包刀切麵包有板有眼。
麥秋成就笑話:「其實平時編舞嘅工作已經好忙,可以話係早出晚歸,所以都好少機會留喺屋企煮嘢食,所以都期望將來另一半係廚藝高手。」講到最近為ViuTV真人騷《百萬造星》擔任星級評判,佢就話已經見過所有參賽者,水準比佢預期高,更佢諗起自己4年前,以唯一香港代表身份參加《中國好舞蹈》比賽,重遇昔日令佢對舞蹈產生濃厚興趣嘅郭富成。
麥秋成仲話:「讀書時因為城城開始學跳舞,之後仲成為佢嘅舞蹈團隊,估唔到參加《中國好舞蹈》,咁啱又係城城做評判,當日要企上舞台表演,唔係一件容易嘅事,所以見到參賽者難免會諗番起自己,希望佢哋可以盡最大嘅努力,做好每一場演出。」
精選娛聞,喺晒《娛果》
http://fb.com/appledailyent
麥秋成最近為ViuTV真人騷《百萬造星》擔任星級評判。