蘇永康不時出現喺中環濕平，但噚晚就轉戰銅鑼灣利園第一期，佢單拖出動，仲入咗一間童裝店買童裝裙，估計係選購俾小朋友嘅禮物。

康仔噚晚潮人look出巡老銅，佢戴住濶邊帽同全身黑色造型，記者發現佢嘅時候，康仔禮貌咁打招呼，當時佢個手都拎住一個Chanel嘅購物袋，出動即有收穫，但康仔似乎仍意猶未盡，再入咗RalphLauren嘅童裝店，細心挑選童裝裙，揀完裙仔，康仔仲好細心咁，仲襯埋件外套㖭！約花咗10分鐘就揀定靚裙仔，康仔即速閃趕下場。