前晚許志安以張惠妹經典歌《原來你甚麼都不要》出戰內地節目《中國之星》，安仔為令評判之一嘅崔健對佢另眼相看，事前就苦練鋼琴，未唱歌前，先彈奏貝多芬作品《月光奏鳴曲》，最後仲攞咗當晚季軍。身為安仔嘅推薦導師林憶蓮，喺節目中就力讚安仔：「你說唱普通話對你來說，是有壓力的事情，今天我覺得你挑戰了自己，也突破了自己。」
撰文：馮仁昭