80人免費去酒店住，齊齊瞓一晚，瞓完仲可以攞走被舖咁筍？宜家家居（IKEA）今晚在港舉辦於英國及澳洲等地甚受歡迎「瞓身大派對」，約40對參加者免費在荃灣如心海景酒店內齊齊瞓一晚，參加者到場後可自選宜家提供的枕袋及棉被，翌晨可全套帶回家，總值逾8,500元。現場所見，很多年輕男女參加，著住睡衣齊齊玩，說是睡衣派對似乎更貼切。

宜家指舉辦此活動是因為港人選購床上用品時常有誤解，導致「床不稱身」，以為床舖枕頭只需選硬或軟、高或低，其實因應仰睡、側睡、趴睡各有不同需要，如習慣側睡就要了解自己膊頭同頸嘅距離，去揀枕頭高度，各方面也視乎不同情況而定。

早前宜家透過Facebook收集創意睡眠照，獲最多「like」兼最有創意的40人，可分別帶一位朋友參加派對。