「唔出奇吖！」
馮仁昭四圍超：任港秀從容入雪櫃
蘋果日報 2002/03/27 00:00
任港秀、李思蓓、安雅同翁虹等，前晚去咗銅鑼灣JP戲院睇新片《時光凶間》首映，眾女都着得密密實實。
安雅積極減肥
問任港秀最近有乜嘢新工作，佢話：「我會拍新片《偷窺》，同埋一套同張達明合作嘅笑片，以及一啲時裝騷。」
任港秀早前曾陪羅兆輝到英國割大瘡，以致二人傳緋聞，羅兆輝日前已返港，兩人可有打電話同對方聯絡？任港秀話：「冇噃，佢點解要打電話畀我？」對於有傳任港秀因為同羅兆輝有緋聞，所以俾無綫雪藏，佢又話：「最近無綫未有安排工作畀我，但唔出奇，因為始終藝員好被動。」
而安雅最近做修身堂嘅代言人，佢積極減肥，安雅話：「我減咗六、七磅，吋數唔公布得住，我下個月去菲律賓影廣告相，會着三點式泳衣。」
另外，翁虹嘅平治座駕日前俾大樹壓毀，但人就平安無事，佢話因為做得善事多，所以善有善報，佢話：「我會買六合彩同去還神。」
吳奇隆同雲南女星拍拖
蔡少芬之前宣布同吳奇隆結束三年情，而內地有傳媒報道話吳奇隆同來自雲南嘅女星馬婭舒因拍《蕭十一郎》日久生情，重喺農曆年間俾人見到同遊雲南，不過吳奇隆話：「當日我係想返台灣過年，但機票出咗問題先至留喺雲南，而嗰日同我一齊嘅係我哥哥。」
問任港秀最近有乜嘢新工作，佢話：「我會拍新片《偷窺》，同埋一套同張達明合作嘅笑片，以及一啲時裝騷。」
任港秀早前曾陪羅兆輝到英國割大瘡，以致二人傳緋聞，羅兆輝日前已返港，兩人可有打電話同對方聯絡？任港秀話：「冇噃，佢點解要打電話畀我？」對於有傳任港秀因為同羅兆輝有緋聞，所以俾無綫雪藏，佢又話：「最近無綫未有安排工作畀我，但唔出奇，因為始終藝員好被動。」
而安雅最近做修身堂嘅代言人，佢積極減肥，安雅話：「我減咗六、七磅，吋數唔公布得住，我下個月去菲律賓影廣告相，會着三點式泳衣。」
另外，翁虹嘅平治座駕日前俾大樹壓毀，但人就平安無事，佢話因為做得善事多，所以善有善報，佢話：「我會買六合彩同去還神。」
蔡少芬之前宣布同吳奇隆結束三年情，而內地有傳媒報道話吳奇隆同來自雲南嘅女星馬婭舒因拍《蕭十一郎》日久生情，重喺農曆年間俾人見到同遊雲南，不過吳奇隆話：「當日我係想返台灣過年，但機票出咗問題先至留喺雲南，而嗰日同我一齊嘅係我哥哥。」
任賢齊係歐米茄手表嘅代言人，佢早前喺哈爾濱舉行簽名會，商場本來只可以容納六千人，但因有過萬人到塲，簽名會被迫改地點舉行。話說任賢齊去到門口，見到場面咁混亂，嚇到要用西裝蒙頭，以免俾熱情fans認出。小齊雖然請咗兩個少林弟子護駕，但佢哋都唔敢落車，最後簽名會要臨時改去酒店舉行。
馬楚成下月會去雲南開拍愛情片，聽聞嘉禾會當呢部係《星願》續集嚟拍，男女主角定咗梁詠琪（GiGi）同古天樂。馬楚成今次喺雲南搵咗個好靚嘅景點嚟拍戲。唔知點解古仔同GiGi拍完《絕世好Bra》後，咁多人搵佢兩個拍檔，遲吓又會一齊做《絕世好B》。
鄭丹瑞（阿旦）噚日去尖東以代言人身分出席排毒美顏寶記者會，佢之前幫呢個產品拍咗四段廣告片，大會當場話以七位數字搵阿旦拍一段，咁四段加埋，阿旦咪豬籠入水？事後阿旦即刻否認：「梗係唔係七位數字啦！幾千蚊拍一段。總之就佢開心時，我開心啦。」