寶珮如、區偉麟及蔡立兒等今日到尖沙嘴為20日的聖誕祈禱音樂會舉行記者會，邀得好友漢洋、李龍基及劉錫賢等到場支持。趙頌茹亦會參與當晚的演出，但今日因有工作在身未能出席。

區偉麟透露會上將獻唱《笑看風雲》、《有誰共鳴》及《憑著愛》，他坦言希望以《笑》形容現時的氣氛：「睇下大家嘅心態點睇呢個時勢，亦希望以歌曲，鼓勵而家失落嘅年青人。」他表示在教會接觸不少年青人，向他分享失落及現時的心態：「我明白佢哋嘅表達得唔到認同，所以就做出唔係咁理想嘅行動，其實大家唔使咁灰。」

對於逆權運動已有半年，區偉麟明白大家有自由表達不同政見：「但係是非黑白要分清，我絕對唔贊成暴力，政府當然有做得唔好嘅地方。希望年青人做多啲文宣，用呢個方法去表達大家嘅意見，我相信會有人聽到。」

早前不少活動、演唱會甚至頒獎禮亦取消或延期，區偉麟表示不擔心：「唔到我哋擔心，做到都係主耶穌畀嘅恩典。」談到他的近況，區偉麟主要參演不同的舞台劇。

寶珮如透露會獻唱改編的福音歌，當中包括《同路人》及《回家》，問她是否有喻意？寶珮如認為現時的香港需要過渡期：「我對香港有信心，香港病咗需要去醫病，心靈上都需要安慰，好似香港精神咁，回復以前嘅燦爛同光榮。」

帶病出席的寶珮如，日前因急性氣管炎入院吊針：「要靜脈入藥，吊咗兩個鐘，個人舒服好多。我要快啲好返，因為聖誕同倒數好多歌要唱，要搵真銀。」9日生日的她，笑言今年特別難忘：「多謝啲好朋友大姐明、楊玉梅同潔儀姐姐幫我搞生日會，我淨係吹咗6個蛋糕，唔敢食，因為咳到飛起。」寶珮如表示生日願望是香港早日康復：「加油！大家畀啲耐性。」

採訪：盧妹
攝影：林賓尼

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇