日本AV女優麻生希今日傳來吸毒被捕消息，令廣大麻甩粉絲擔心以後只能睇舊作回味女神。近年AV界不時鬧出毒案，最經典當然係三度犯案嘅小向美奈子，而近日出版嘅成人雜誌《週刊實話》，頭版標題指麻生希涉毒被捕，消息立即被網民瘋傳。

2012年出道嘅麻生希，以精緻靚樣及10頭身殺入AV界一炮而紅，可惜近年佢被指舉動變得神化，又忽改「戲路」，演出令粉絲都話頂唔順嘅超激作，加上近期IG都有好多古怪圖片，尤其麻生希將香閨佈置到相當詭秘，放有好幾個頭骨擺設，更滴蠟四濺，令人估計佢真係因吸毒搞到行為怪異。

疑似吸毒走樣嘅麻生希，已有兩星期冇更新IG，佢最後一次現身公開場合係上月19日喺秋葉原嘅粉絲見面會。