當年今日
關於我們

【星級糖水舖】楊秀惠賣刨冰打卡勝地 谷祖琳甜品店落腳成都

蘋果日報 2017/06/27 00:02

楊秀惠古巨基謝天華谷祖琳

謝天華喺廣州演完《風雲》舞台劇,即刻返香港陪老婆食糖水,仲帶咗老婆去咗天后一間好出名嘅糖水舖,有指呢間糖水舖嘅老闆,包括咗陳豪同金牌監製戚其義。
先講番呢間位於天后嘅糖水舖,內裡有好多明星幫襯嘅相,13年獲美國雜誌《Travel+Leisure》推介為世界最佳甜品店之一,主力推介佢嘅黑芝麻雪糕。
楊秀惠上年就喺大坑開甜品店,主打係刨冰同日式蛋糕。由於地點就腳,唔少大台同事都會去食糖水,順便打埋卡集郵。而投資有道嘅楊秀惠,最近又喺荃灣開咗間美妝店,多咗一門生意搵錢。
古巨基嘅甜品店就坐落於PMQ。而店舖品牌由Logo到食物包裝,都係古巨基一手包辦,至於食物,就係依足太太口味。當時《蘋果》睇過公司註冊處資料,Lorraine嘅持股量仲多過基仔,真係錫晒老婆。
不過講到最叻嘅,都係谷祖琳喇。佢嘅甜品舖喺大坑開到過銅鑼灣,亦都北上到成都、廣州落腳。之前谷祖琳以雞蛋仔配雪糕呢個做綽頭參加美食車先導計劃,但因為未喺限時內完成美食車,最終無奈要退出。
empty
謝天華帶老婆去食嘅糖水店,有傳係陳豪同戚其義有份開。(資料圖片)
empty
古巨基將甜品店股份分咗俾老婆。(資料圖片)
empty
谷祖琳參加過美食車計劃,但最退出咗。(資料圖片)
empty
楊秀惠喺大坑開甜品店,有時都會落去打躉。(資料圖片)