集合多名韓星演出的「BestofBest」演唱會今晚喺亞洲國際博覽館舉行，演出陣容包括人氣女團少女時代、韓團BIGBANG成員勝利、男子組合B.A.P及100%。

勝利同B.A.P噚晚率先乘夜機抵港，吸引過百名粉絲捱夜捱風雨接機，果然熱情，有粉絲更提早四個鐘到場，好誇張！

因為航班延遲嘅原因，約凌晨12時20分，戴上黑超同着住長袖上衣嘅勝利先現身機場嘅特別通道，一路上佢都面帶笑容，而且不時揮動手上嘅電話向粉絲打招呼，之後登上保母車離開。

約15分鐘後，6人男子組合B.A.P由特別通道步出機場，甫出現即引起粉絲瘋狂尖叫，有粉絲不時企圖迫近偶像送禮物，而B.A.P亦相當識做，成員大賢同永才更主動走近粉絲收禮物，而其他成員亦以燦爛笑容及揮手作回應，極為親民。