【更新內容】

剛周三（25日）谷中夜賽，騎師潘頓策騎沈集成馬房的「歡樂盈盈」，臨場票如雨下，由曾經見過的9.8倍，至最後只餘4.6倍，但鞍上人沿途發揮不慌不忙，力壓群雄先拔頭籌，人馬表現出色。

去到今朝（26日）早上，鏡頭就見呢對騎練拍檔傾談嘅時候，一直保持四萬咁嘅口，笑容滿面，睇嚟相當滿意剛戰嘅發揮喎。

所以到今期周日（29日）谷中日賽，一直要留意番呢對騎練仲再有冇合作，結真係見到第五場四班1650米就有一匹「貨如輪轉」列陣。

今早潘頓策騎「貨如輪轉」與廐侶「金滙龍華」往大跑道拍跳800米，前駒直路上從後追上，頗有氣勢，練馬師亦睇到實肉緊非常，季內騎練二者合作得咁開心，可能又有斬獲，食過翻尋味！