面對保安重重包圍，粉絲們為咗見偶像一面可以去到幾盡？西班牙近日喺地頭集訓，備戰對以色列嘅歐洲區世盃外同對法國嘅友賽，有位身穿前鋒艾華路莫拉達7號波衫嘅小球迷喺收操嗰陣突然衝入球場，一輪狂奔後先扭過一個保安，繼而爆贏另一個保安，差唔多俾人追到啦……好彩呢個時候偶像就係面前！莫拉達亦相當friend底，同小球迷攬咗一陣，好有愛！

搵偶像當然辛苦，搵樓盤都唔容易架，有西班牙傳媒報道，莫拉達嘅未婚妻Alice Campbell已經去咗倫敦搵新屋，意味莫拉達嚟緊夏天有機會落「馬」上「車」，由皇家馬德里加盟車路士喎，聽住先啦！

↓小球迷一扭二為見莫拉達↓
http://bit.ly/2o3rbuo