劉嘉玲第一次做監製兼主演、由新晉導演譚惠貞執導，吳肇軒、謝君豪同余香凝等主演嘅「首部劇情電影計劃」作品《以青春的名義》，今日獲正式宣佈成為2017年香港亞洲電影節開幕電影同競賽電影之一(連結： https://goo.gl/NzGzcb )，喺下個月31號嘅電影節開幕當晚舉行首映。身在外地嘅嘉玲知道呢個消息，感到好開心，佢仲話：「希望大家喺電影1月上映時可以入場支持。」

而首次執導電影嘅譚惠貞就話意想不到，佢話：「多謝香港亞洲電影節俾呢個機會，多謝佢哋支持本土電影同新導演。我好榮幸，要多謝幫過呢部電影嘅人尤其係擔任監製嘅嘉玲。」

而戲入面同嘉玲有感情線嘅吳肇軒亦都表現開心，佢仲話開幕禮時會做足打扮，要好有型又靚靚咁襯返嘉玲姐。

「首部劇情電影計劃」：
http://www.createhk.gov.hk/fffi/tc/

第14屆香港亞洲電影節HKAFF舉行日期：10月31日至11月20日
https://goo.gl/gHkEPA