九洲發展（908）仍然係市值最細嘅窗口公司，博注資、博壯大，九洲有得諗。九洲市值8.5億銀，最新NAV1.14元，現價0.76元折讓33%，仍然係成個場裏面，市值最細及折讓最大嘅紅籌股。二線紅籌追落後，單係呢個point，九洲已經有得諗。
呢期所見，大價嘢好似華潤創業（291）及北京控股（392）等，或落實或獲母企計劃注資產。至於九洲，沙士期以嚟，話業務壯大一直只聞樓梯響。但要咁睇，九洲今年以嚟，出現高層人士變動，集團對上「珠光」系嘅債務重組，終於喺上個月落實。九洲權益架構一執正，獲注資、博壯大嘅步伐，係越嚟越近。一於長短棍，一注短打博落後，上望九洲NAV1.14元，講緊現價翻半番，另一注長線，博有嘢發生。

第一上海太落後

第一上海（227）打橫行咗近5個月，近磅證券股大福證券（665），同期已經翻半番過外，第一上海大落後。又第一上海最新NAV1.78元，現價1.06元折讓40%，講折讓，亦係好吸引。第一上海追番上大福1倍PB水位，要升68%；追番同樣係紅籌嘅申銀萬國（218）兩倍PB水位，現價講緊2.3倍。呢轉博落後，上望1年高位1.32元，第一上海都要升24%。
錢雋