法蘭迪保亞執教水晶宮77日，球隊4戰全敗就下台，創英超「最短命」領隊紀錄，不過比較其他聯賽，迪保亞都未算最慘。好似前英格蘭領隊艾拿迪斯，只執教英軍67日兼1場波就因為回佣事件落台。阿根廷狂人比爾沙，教意甲拉素2日就離開，最跨張係利萊羅仙尼亞，只接手非聯賽球隊托基聯，僅僅10分鐘就被炒，呢個紀錄相信都好難被打破。

話說2007年，當時處於英乙嘅托基聯，剛委任利萊羅仙尼亞做領隊，咁啱原班主就賣盤，新買家入主後，宣佈要起用新領隊，利萊羅仙尼亞都未必見過晒班球員就落台。