韓片《我班Friend好搞嘢》的43歲女星咸素元，前年初與拍拖1年、比自己年輕18歲的大陸網紅男友陳華結婚，同年12月誕下女兒，兩公婆婚後就合體拍攝節目《妻子的味道》吸金。

《妻子的味道》前日播出最新的一集，咸素元在節目中展示她慳家一面，當中兩人因為執拾家中物品而發生爭執，陳華想在搬家前整理一下，所以就表示不需要的東西就要丟掉，不過咸素元就似乎不捨物品，並強硬說：「冇乜嘢可以丟啦，整理吓就得，唔可以丟。」特別是當陳華要求過期的食物都丟掉時，包括已過期兩個月的拉麵，咸素元即時制止，更揚言：「點解唔食得？等我食，只要味道好就得。」兩人因而發生爭執，陳華原本想勸咸素元不要食，但最終被老婆的反應激嬲，而咸素元亦大感不滿，陳華更忍不住收拾東西離家出走。

節目播出後，網民都大讚咸素元知慳識儉，又指拉麵沒有罪，即使過期也可以吃，但另一批網民就指咸素元太蠻不講理。

-----------------------------
想知今年愛情事業健康運勢？
十二星座運程指南點擊即睇！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇