【20周年紀念】《海賊王》宣佈開拍真人版美劇
海賊王尾田榮一郎美劇ONE PIECE
今日喺漫畫於《週刊少年Jump》連載20周年活動上宣佈呢個消息。
尾田榮一郎筆下嘅日本人氣漫畫《海賊王》(One Piece)多次傳出會成真人版,今日《海賊王》喺東京舉行活動,紀念漫畫於《週刊少年Jump》連載20周年,同時宣佈會拍成真人版美劇。
美劇版《海賊王》會由製作人氣美劇《逃》(Prison Break)嘅美國Tomorrow Studios負責炮製,暫時演員同播放日期都未定,但揚言係劇集史上最揼本之作。《週刊少年Jump》總編中野博之受訪時話今次製作考慮到唔同因素,尾田榮一郎唔想令到一班粉絲失望,亦能保證製作質素。
尾田榮一郎亦為此親筆撰文,指係於3年前決定將《海賊王》拍成真人版,好高興可以於20周年嘅呢個日子,能夠宣佈呢個消息。