東方龍獅下周二就會喺旺角場主場迎戰中超勁旅廣州恒大，上演亞冠盃G組第5輪分組賽。雖然東方目前4戰只得一分，出線機會甚微，但佢哋首回合打少兩個下慘吞7蛋，加埋早前賣飛時有中國球迷「搏懵」買埋主隊門票，以及「中港矛盾」等種種因素，令呢場比賽牙骹味甚濃，難怪當時公開賣飛時成為最快沽清嘅一仗主場賽事。

既然一票難求，自然有「Yellow Cow」黃牛黨出沒，最近就有網民喺fb門票交易群組以4,000港元放售4張下周二嘅門票，每張1,000蚊相比正價180蚊炒貴超過4倍有多！到底大把水位抑或有價冇市，就要放長雙眼睇吓啦。