DC超級英雄片《水行俠》（Aquaman）上周於北美開畫，上映四日票房破8300美元（6.47億港元），現時全球勁收5億美元（39億港元），當中大部份來票房來自內地，目前內地票房已錄得約17億人民幣。據指電影成本達2億美元（15.6億港元），現時已經回本。

片中其中一個彩蛋，係妮歌潔曼（Nichole Kidman）被救起後，曾將三叉戟掟向電視，而當時電視上正在播放《霹靂艇》（Stingray）。據導演溫子仁透露，佢加呢一幕全因同《寶貝神車手》（Baby Driver）英國導演艾加韋特（Edgar Wright）一句戲言，溫子仁話兩年前艾加韋特同佢講「如果你加到《霹靂艇》喺部戲度，我頒個奧斯卡畀你。」所以溫子仁話現時等緊艾加韋特睇《水行俠》找數。《霹靂艇》劇情講述描寫人類組成嘅世界水下安全巡邏隊（World Aquanaut Security Patrol－W.A.S.P.）與海底人之間的戰爭。

另外，溫子仁於社交網站上載水行俠模型公仔放於聖誕樹前嘅相，祝大家聖誕快樂。

精選娛聞，喺晒《娛果》
http://fb.com/appledailyent