特區政府企硬修訂《逃犯條例》將港人「送中」，中央政府高調撐修例，建制陣營迅速歸隊盲撐，整個模式已是「一國兩制」告終的啟示。分別以法律界選委及大律師公會前主席身份兩度聯署反修例的資深大律師陳景生批評，修例反映香港一國兩制崩壞大於衝擊法治，「（港府）處理辦法同西環（閉門會議促建制支持）行動，令人更擔心香港係咪真正有一國兩制」。他狠斥特區政府「冇腦」，對中央政府唯命是從，逃避港人對內地司法制度憂慮的核心問題，更令人懷疑動機為何，慨嘆一國兩制被冠上「中國政治特色」，香港自由、人權大倒退。

記者 梁穎妍

現於大律師公會資深大律師名冊排名第四、曾擔任高等法院特委法官的陳景生接受《蘋果》專訪時，與市民一樣以「送中條例」形容修例，對於親北京陣營屢次放風指中央特定目標僅為逃港貪官，修例不影響一般市民、商人，陳坦言不得而知，但無論如何修訂都不具逼切性，不應倉卒而行，指港府急急修例反而讓人覺得有「hidden agenda」。更重要的有左報引述權威消息指，在港干犯國安罪行都可被移交，陳景生說：「除非引渡國傻傻哋」，否則必然會找其他刑事罪名作掩飾，認為23條立法後會出現更大詮釋空間，「現在當然政府話政治原因不移交，但最大問題係：乜叫政治、乜（叫）唔係政治，邊個決定？」

銅鑼灣書店事件、維權律師王全璋被長年拘禁等事件都歷歷在目，陳景生表示，即使內地司法制度有改進，但仍「有理由相信內地講嗰套未必係執行嗰套」，坦言港人對送中憂慮，「唔係危言聳聽，係例子太多」。惟特區政府歸咎反對聲音源於不理解，他反斥港府不敢評價內地司法制度差異，「呢樣係香港市民最想知道，但特區政府完全冇出聲，反而話睇呢樣嗰樣，帶你遊花園」。他相信真理越辯越明，舉例指律政司司長鄭若驊從法律角度指修例不設追溯力不可行，反而是有意義的論點，「最主要係你唔應該避咗嗰個問題，或者特區政府話我哋標準降到咁，所以就算你上咗去3年，你老婆唔知你去咗邊都要承受，佢咪講畀市民聽囉」。

在香港成長，更是香港首批本地培育的法學本科生的陳景生，由過渡時期以至回歸22年以來都在法律界以不同崗位捍衞法治，他亦敢於作出政治批評，因修例手法與條文細節同樣重要，他認為今次修例固然嚴重衝擊香港法治，但更嚴重的影響，是凸顯出香港一國兩制的問題，質疑「究竟呢樣嘢（修例）純粹係香港自己決定？」他直斥特區政府予人印象對中央政府建議來之不拒，「可以直接講特區政府係冇獨立的腦，內地政府話乜就乜」，但一國兩制下，特區政府有責任維護香港任何人的人權所受的法律保障，包括移交後的人權保障是否獲得保證，是為行政機關維護法治的基礎。

對於中聯辦高調介入支持修例，陳景生以當年政改投票甩轆，建制派第一時間去西環謝罪為例，批評中聯辦今次約見人大政協，「唔係解釋香港人同外國人憂慮點解唔啱，中聯辦好似做出嚟嘅嘢係指導、指示」，必定給予建制派龐大壓力，慨嘆一國兩制下港人治港、高度自治已不再是保證，「似乎講就咁講，但內地政府畀特區政府指引、壓力各方面嘅嘢太多，令人覺得香港究竟係咪真係有一國兩制呢？」他坦言作為普通市民，對港府撤回修例感到悲觀，「因為西環咁高調出馬，站喺內地政府共產黨一般做法，係死不認錯」，他指下月9日若能抽空也會參加大遊行；談到遊行心態，他形容「當一個人心死唔會話再緊張」。

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

日期：6月9日（日）
集合地點：銅鑼灣東角道
時間：下午2時30分集合，3時正起步
遊行路線：銅鑼灣東角道遊行至金鐘添美道立法會
資料來源：民陣

【引渡惡法】近百學校組織聯署轟修例 包括台殺人案死者母校（附聯署連結）
慶委會7.1擬霸維園搞「大灣區節」維穩騷 Supper Moment否認參與：正在海外宣傳
【引渡惡法】越跌越有！林鄭民望淨值再創新低
【公院亂局●填form失控】護士一更最少填40張表 patient care變paper care
【買樓換航權】同時出席立法會會議 馮指不知女友當日身份職位

--------------------------------
【六四30】守住歷史 拒絕遺忘
https://hk.adai.ly/zdzKtt2RiW