當年今日
關於我們

隔牆有耳:科學家難得感性 - 李八方

蘋果日報 2009/05/09 00:00


知名科學家楊振寧同朱經武噚日出席亞太台商聯合總會舉辦嘅「科學與文明對話」論壇,科學家原來十分感性,楊振寧話讀完張愛玲本《小團圓》後感受良多,因為佢自己都係生於大家庭,好彩自己較幸運,唔使好似張愛玲咁要面對家庭內勾心鬥角,終生擺脫唔到心鎖,實在可悲。
張愛玲喺香港大學讀書,可能係成全佢做小說家嘅重要因素,楊振寧卻唔係咁睇,「假如她不是去了香港,而到了北京,與一眾千辛萬苦才可入讀大學的人一起,她的命運可能不一樣。」
楊教授又爆料,指與朱經武相識多年,當年朱追求數學家陳省身女兒陳璞時,陳省身就向他打聽未來女婿人品,楊評語係「朱經武聰明,但陳璞更聰明。」結果促成呢段姻緣。